durmak

işlik

1) Aýak çekmek, saklanmak, togtamak.

2) Aýak üstüne galmak, dim-dik ýagdaýda bolmak, dikelmek.

∙ Onuň ýigitleri meýdanyň bir çetinde durdular. (A. Gowşudow, Powestler We Hekaýalar)

3) Bir ýerde ýerleşmek, bar bolmak.

4) Bir käre eýe bolmak, bir wezipäniň başynda bolmak, bir guramanyň agzasy bolmak.

∙ Häkimiýet başynda işçiler we daýhanlar durýarlar. («Mydam Taýýar» Gazýeti)

5) Kömekçi işlik funksiýasynda ysnyşyp gelýän işligi bilen birlikde gymyldynyň başlanyşyny, dowamlylygyny we çylşyrymly häzirki zamany görkezýär.

∙ Ýygnaşmaga durmak, goýbermege durmak; gelip durmak, diýip durmak; öwsüp durmak.

Ýazuw düzgüni: Ýöňkeme bilen üýtgände ikinji bogunda u eşidilen ýerinde ýazylýar.

Meselem durmak - durdum, durduň, durupdyr.

◊ arka durmak — seret arka 1